អាថ៍កំបាំងឧបសគ្គស្នេហ៍
មង្គលការសម្រាប់មនុស្សគ្រប់គ្នាជាអ្វី?
វាកើតពីអ្វី? ស្នេហាឬ? សម្រាប់គេវិញ វាជារឿងគួរឱ្យអស់សំណើចណាស់
«មេឡា អូននៅឯណា? បងត្រូវរៀបការជាមួយឃាតករសម្លាប់អូនហើយ?
អូនបន្ទោសបងទេ? អូនស្អប់បងទេ?» អេដៀនសម្លឹងមើលរូបថតរបស់ភរិយាដែលបានទុកគេចោលនៅម្នាក់ឯង
នៅលើផ្ទាំងឈ្មោះបានសរសេរឈ្មោះអ្នកស្លាប់
មេឡា ថាន់ដឺ នារីដែលបានចូលក្នុងបេះដូងរបស់អេដៀន វីមឺតែម្នាក់គត។
បើយើងមើលកាលបរិច្ឆេតឃើញថានាងបានស្លាប់៣ឆ្នាំហើយ តែគេតែងតែមកទីនេះសម្អាតនិងដាក់ផ្កាចំប៉ីជានិច្ចមិនដែលខាន។
នាងធ្លាប់ប្រាប់គេថា ផ្កាចំប៉ី ជាផ្កានៃទុក្ខសោកដែលផ្តល់នៅភាពឯកា
វាជាការស្លាប់ដោយព្រលឹងនៃភាពស្មោះត្រង់ តែវាជាផ្កាដែលនាងស្រលាញ់ជាងគេ។
ទឹកភ្នែកនៃភាពនឹកនាបានហូរស្រក់មកខុសពីទឹកមុខមាំរបស់គេ។
គេពិតជានឹកនាងខ្លាំងណាស់ ចង់ឱបនាងនិងឮសម្លេងនាងម្តងទៀត
តែពេលនេះគេបានត្រឹមតែមកទីនេះមើលផ្នូររបស់នាងប៉ុន្នោះ។
«លោកប៉ា!» អេដៀនជូតទឹកភ្នែកនិងបែរទៅតាមសម្លេងកូនប្រុស
«លោកប៉ា
លោកប៉ានៅទីនេះទៀតឬ? នឹកអ្នកម៉ាក់ទៀតហើយមែនទេ?» កូនដុំព្រិលរត់មកឱបឪពុកហើយក៏សម្លឹងមើលផ្នូរម្តាយ
«ឆាប់គោរពអ្នកម៉ាក់ទៅ»
គេងើបឈរឡើងឱ្យកូនប្រុសគោរពដល់ម្តាយរបស់គេ
ដែលនេះជាអ្វីគេតែងតែប្រាប់ទៅកូនប្រុសពេលដែលមកទីនេះ
«អ្នកម៉ាក់
ម័រនីងមករកម៉ាក់ហើយ
ថ្ងៃនេះកូនត្រូវទៅផ្ទះអ្នកម៉ាក់និងលោកប៉ានៅស៊ុយអែតហើយមិនអាចមករកអ្នកម៉ាក់ដល់ឆ្នាំក្រោយឯនោះ
កូនត្រូវទៅមុនលោកប៉ា តែមិនអីទេទោះបីជាឆ្ងាយកូននឹងផ្ញើក្តីស្រលាញ់អ្នកម៉ាក់ជានិច្ច
តាមថែរក្សាកូននិងលោកប៉ាផង»
សម្តីគួរឱ្យស្រលាញ់លេចឡើងតាមសម្លេងតូចៗរបស់ក្មេងប្រុសអាយុ៣ឆ្នាំ។
ម័រនីង វីមឺជាកូនប្រុសសំណព្វចិត្តនិងជាទាយាទបន្ទាប់របស់ត្រកូលវីមឺ។ ជាច្រើនឆ្នាំមកនេះគេបានទៅរស់នៅស៊ុយអែតជាមួយម័រនីងជាច្រើនឆ្នាំ
គេតែងតែនាំកូនប្រុសមកលេងម្តាយរៀងរាល់រដូវស្លឹកឈើជ្រុះ ជាគម្រប់ខួបកំណើតរបស់នាង។
«លោកប៉ា
តើកូនអាចនៅថ្ងៃស្អែកបានទេ?» ដៃតូចម៉ាប់ៗបានអង្រួនដៃរបស់ឪពុក
«មិនបានទេ
ប៉ាមានធុរះត្រូវដោះស្រាយកូនត្រូវទៅទីនោះមុន»
គេមិនចង់ឱ្យកូនប្រុសចូលរួមពិធីមង្គលការគេនិងស្រីបិសាចនោះទេ
គេគ្មានថ្ងៃឱ្យនាងចូលមកក្នុងជិវីតកូនប្រុសគេឡើយ។
«លោកប៉ាកុហក
លោកប៉ានឹងរៀបការម៉ាក់ថ្មីមែនទេ?? មែនទេ? ហិហិ» គ្មេងតូចក៏ស្រែកយំភ្លាមៗព្រោះគេបានឮរឿងនេះពីលោកយាយមក។
ឃើញបែបនេះអេដៀនក៏លុតជង្គង់ចុះក្តោបមុខកូនប្រុសដែលយំសស្រាក់ដូចទឹកមុខដែលគេនឹករឮករាល់ថ្ងៃនោះ។
“អូនមិនជឿបងទៀតទេៗ”
សម្លេងស្រែកយំតែងតែឮក្នុងចិត្តគេជានិច្ច
វាដង្ហើយប្រាប់គេថាគេគ្មានសម្មតភាពកាពារនាង គេធ្វើឱ្យនាងបាត់បងទំនុកចិត្ត គេមិនគប្បីនឹងនាងទេ
ពេលនេះសឹងតែមិនហ៊ានប្រឈមមុខនឹងកូនប្រុសដែលនៅចំពោះមុខ
«ប៉ាសន្យា
តែមួយឆ្នាំទេ គ្រប់យ៉ាងនឹងចប់សព្វគ្រប់»
គេមិនលើកលែងឱ្យនាងនោះទេ
ដេណា ប្លេក។ មនុស្សស្រីស្អាតតែចិត្តដូចជាពស់ពិស នាងធ្វើគ្រប់យ៉ាងដើម្បីយកគេឱ្យបាន គេក៏នឹងធ្វើឱ្យនាងដឹងថាគេជាមនុស្សបែបណាពិតប្រាកដ
តើការសងសឹករបស់គេនឹងទៅជាយ៉ាងណា? គេអាចសម្លាប់នាងបានយូរណាស់ទៅហើយ
តែគេនឹងស្វែងរកការពិតបកអាក្រាតនាងទាល់តែបាន នឹងបានសងតម្លៃចំពោះទង្វើដែលនាងបានធ្វើ។
«លោកប៉ា....»
សម្លេងរំអួយរង៉ូវដាក់ឪពុក
«ប៉ាសន្យា»
អេដៀនមើលមនុស្សជំនិតដឹកដៃកូនប្រុសចាកចេញពីគេទៅដោយហើយងាកមើលផ្នូរមនុស្សស្រីជាទីស្រលាញ់ដែលសល់ត្រឹមរូបថតប៉ុន្នោះ
«អូននឹងលើកលែងទោសឱ្យបងទេ?»
គេនៅចាំថ្ងៃដែលគេឃើញមុខដ៏ទុកសោកជាលើកចុងក្រោយ
នាងប្រាប់គេថានាងមិនលើកលែងឱ្យគេជាដាច់ខាតដែលមិនអាចកាពារនាងបាន។
ហើយវាជាសុបិន្តអាក្រក់សម្រាប់គេដែលតែងតែឃើញនាងបន្ទោសគេរហូត។
គេឈឺចាប់ខ្លាំងណាស់ដែលមិនអាចបកស្រាយនិងឱ្យអ្នកដ៏ទៃឃើញបាន ហើយសម្បកក្រៅរបស់គេគឺជាអេដៀនដ៏ខ្ពង់ខ្ពស់មានគ្រប់យ៉ាង
តែវាមិនអាចជប់់ជិវីតនាងមកវិញបានឡើយ។
អេតមីនសុំយំសិន
Comments
Post a Comment