ប៉ាប៉ាកំពូលស្នេហ៍
ភាគទី១៦
«លោកមិនអីទេមែនទេ?»
ពេលឃើញគេមិនមាត់កមើលរូបថតក៏មិនសួរមិនបាន។
ពេលនេះដៃរបស់គេរបួសទើបពិបាកក្នុងការបង្រះទើបនាងជួយសម្រួលគេតែក៏មានអារម្មណ៍ថាមិនសម។
«យ៉ុងអឺ
គួរឱ្យស្រលាញ់ណាស់»
«លោកកាលពីក្មេងបែបនេះទេ?»
«ខ្ញុំពីក្មេងឬ?»
ពេលគេនិយាយពីកុមារភាពក៏ដាក់ទឹកមុខចុះ ទើបនាងយល់
«បើលោកមិនចង់និយាយក៏មិនអីទេ»
«អរគុណហើយ»
«អរគុណដែលបង្កើតគេមក»
ចាវយ៉ូធានក៏ញញឹមដាក់នាង
ម៉េចក៏ក៏គេប្រែជាសង្ហាយ៉ាងនេះ?
មិនបានទេៗ តិចគេដឹងថាខ្ញុំរំភើបចិត្តព្រោះគេទៅ?
អារ៉ាន់ខ្លាចថាមុខខ្លួនេងប្រែពណ៌ក្រហមក៏យកដៃបក់ឱ្យត្រជាក់កុំឱ្យក្តៅ
ហើយពេលចាវយ៉ូធាន
ឃើញបែបនេះក៏ផ្អៀងកបន្តិចសម្លឹងមកនាង
ដែលកាយវិការបែបនេះរឹតតែធ្វើឱ្យនាងក្តៅមុខលើសដើម
«បន្ទប់ក្តៅឬ?»
«ទេ ទេ»
«នាងក្រហមមុខហើយ
មើលទៅផ្តាសាយមិនទាន់ជាទេមែនទេ?»
អារ៉ាន់ស្រាប់តែឆ្ងល់ថាគេអានចិត្តនាងមិនបាន
ឯចាវយ៉ួធានក៏ឆ្ងល់ខ្លួនឯងដែរម៉េចក៏អានចិត្តនាងមិនដឹង ហើយក៏មិនឮអ្វីទាំងអស់។
ឬមួយខ្ញុំស្រលាញ់នាង?
ឬមួយគេចូលចិត្តខ្ញុំ?
អ្នកទាំងពីរឈប់មើលមុខគ្នាហើយងាកចេញរៀងខ្លួន។
ចាវយ៉ូធាននៅមិនយល់អារម្មណ៍របស់ខ្លួនក៏ងាកទៅម្ខាងហើយក្រហេមពីរដង
«នាងទៅសម្រាកចុះ
ខ្ញុំហត់ហើយចង់គេងបន្តិច»
«ខ្ញុំទៅហើយ
បើលោកមានការអីហៅខ្ញុំឬហ័នប៉ានក៏បាន»
ពេលអារ៉ាន់លាងចានរួចក៏ចូលបន្ទប់ហើយក៏ផ្តួលខ្លួនលើគ្រែភ្លាម។
នាងយកដៃស្ទាបបេះដូងដែលកំពុងលោតដុកដាក់ទន្ទឹមនឹងស្នេហាដែលទើបតែចូលមកដល់។
ពេលនេះគ្រប់យ៉ាងជុំវិញអ្នកទាំងពីរហាក់បីដូចជាមានពណ៌ស៊ីជម្ពូទាំងអស់។
សូម្បីតែអ្នកដែលថាចង់គេងអម្បាញ់មិញក៏គេងមិនលក់ហើយងើបឡើង។
«នេះឬអារម្មណ៍ស្នេហាដំបូង?»
ឃ្លានេះអ្នកទាំងពីរសួរខ្លួនឯងដំណាលគ្នា
ដល់ពេលអាហារថ្ងៃត្រង់នំប៉ាវតូចមើលមុខឪពុកម្តាយចុះឡើងព្រោះពួកគាត់មិននិយាយរកគ្នាហើយមិនមើលមុខគ្នាទៀត។
ពេលអារ៉ាន់ចាប់ម្ហូបចានតែមួយជាមួយចាវយ៉ូធានពួកគេក៏សម្លឹងមើលគ្នាមួយរំពេចទើបដកដៃចេញពីចាននោះរាងខ្លួន។
ចំណែកឯនំប៉ាវតូចគិតថាឪពុកម្តាយឈ្លោះគ្នាក៏ចាប់ម្ហូបដាក់ឱ្យម្តាយនិងឪពុក។
«ថ្ងៃស្អែកខ្ញុំត្រូវទៅធ្វើការពីព្រលឹមនិងមើលផ្ទះដែលឆេះមិនអាចទៅជួបគ្រូគេទេ
លោកអាចជូនគេទៅបានទេ?» អារ៉ាន់ក៏ចង់បំផ្លាញភាពស្ងៀមស្ងាត់នេះ
«លោកប៉ាឈឺដៃមិនចឹងឬអ្នកម៉ាក់?»
«មែនហើយឱ្យលោកពូហ័នប៉ានជួយទៅជំនួសបានទេ»
ពេលឮបែបនេះចាវយ៉ូធានក៏ដាក់ចង្កឺះចុះ
«ខ្ញុំជូនទៅបាន»
ពេលចាវយ៉ូធានដំណាងជាអាណាព្យាបាលនំប៉ាវតូចដើម្បីតាមដានលទ្ធផលកូនក៏ធ្វើឱ្យកក្រើកអស់អ្នកគ្រូៗក្នុងសាលា
«នេះជាមូលហេតុដែរខ្ញុំមិនចង់ឱ្យលោកប៉ាមក»
«លោកជាលោកប៉ារបស់អាយ៉ុងមែនទេ?
មិនដែលឃើញលោកប៉ារបស់អាយ៉ុងទេ ពិតជាដូចគ្នាមែនចឹងតើបានអាយ៉ុងសង្ហាម្លេះ»
អ្នកគ្រូដែលបង្រៀននំប៉ាវតូចផ្ទាល់ក៏មកស្វាគមន៍ឪពុកកូនសិស្សភ្លាម
«អ្នកគ្រូចង់និយាយថាម្តាយខ្ញុំមិនស្អាតឬ?»
«អ្នកគ្រូមិនបានចង់មានន័យបែបនោះទេ
តែលោកប៉ាអាយ៉ុងទើបតែមកពីក្រៅប្រទេសមែនទេ
ទើបបានជាមិនដែលឃើញ?»
«តើលទ្ធផលកូនប្រុសខ្ញុំយ៉ាងម៉េចដែរ?»
«លទ្ធផល?លទ្ធផលឬ?»
«មែន!ខ្ញុំត្រូវការលទ្ធផលការសិក្សាកូនប្រុសខ្ញុំ»
ដែលពេលនេះចាវយ៉ូធានពិតជាទ្រាំមិនបាននឹងភ្លិនមនុស្សស្រីម្នាក់នេះទើបចាំបាច់ងាកមុខចេញទៅម្ខាង។
«នេះលទ្ធផលអាយ៉ុងគីយ៉ា»
ពេលដែលអ្នកគ្រូម្នាក់នោះហុចក្រដាសកិច្ចការឱ្យចាវយ៉ូធានក៏ព្យាយាមទទួលតែដៃរបស់គេឈឺក៏ពិបាកទទួល
ដែលពេលនេះហើយអ្នកគ្រូបានឃើញរបួសក៏យកដៃទៅប៉ះទើបចាវយ៉ូធានគ្រវាសមួយរំពេចធ្វើឱ្យអ្នកគ្រូដួលពីលើកៅអី
«ខ្ញុំសុំទោស
ខ្ញុំនិងកូនប្រុសលាសិនហើយ»
«អេ!
លោកមិនស្តាប់ការសិក្សារបស់កូនប្រុសសិនទេ?»
អ្នកគ្រូដែលមិនព្រមចុះចាញ់ងើបឡើងសួរទៅឪពុកកូនសិស្ស
ចាវយ៉ូធានមិនស្តាប់អ្វីទាំងអស់ហើយក៏កាន់ដៃនំប៉ាវតូចចេញទៅតែម្តងទុកឱ្យអ្នកគ្រូក្រមុំខូចចិត្តនិងមានភាពច្រណែនដល់ម្តាយនំប៉ាវតូច។
រ៉ូមេទិកទេអម្បាញ់មិញ
អេតមីនស្រលាញ់សាច់រឿងបែបចឹងៗដែលតួប្រុសខូលហើយសុភាពបុរស។
ចង់ដឹងថាសប្តាហ៍ក្រោយពន្លកស្នេហាលោកប៉ានិងអ្នកម៉ាក់អភិវឌ្ឍដល់ណា កុំភ្លេចតាមដានណា
ភាគទី១៧ (Part 17)
ភាគទី១៧ (Part 17)
Comments
Post a Comment