ប៉ាប៉ាកំពូលស្នេហ៍
ភាគទី៨
ពេលនាងចុះមកវិញចាវយ៉ូធាន
និងកូនប្រុសនាងរៀបអាហារពេលព្រឹកទៅហើយ។ បើមើលភាពស្និតស្នាលវិញ
រយះពេល៦ឆ្នាំជាមួយនំប៉ាវតូចបានផ្ទេរទៅឱ្យទំនាក់ទំនងឪពុកកូនមួយយប់របស់គេបាត់ហើយ។
«អ្នកម៉ាក់ឆាប់ចុះមក»
ពេលនាងអង្គុយញុំាអាហារភ្លាមមានអារម្មណ៍ថាខ្លួនដូចជាជនទី៣ចឹង។
នាងលួចមើលចាវយ៉ូធានច្រើនដងថាគេនឹងនិយាយអ្វីទេ តែគេនិយាយតែជាមួយនំប៉ាវតូចតែប៉ុន្មានម៉ាត់ប៉ុន្នោះ។
«អ្នកម៉ាក់
ថ្ងៃនេះលោកប៉ានឹងនាំខ្ញុំទៅលេងសួនកំសាន្ត»
«ចាំម៉ាក់រៀបកាតាបឱ្យ»
«អរគុណអ្នកម៉ាក់»
«កូនចាំទេថ្ងៃនេះជាថ្ងៃអ្វី?»
«ថ្ងៃរៀបការរបស់ម៉ាក់ធម៌»
«ចឹងប្រញាប់មកវិញផង»
«ម៉ាក់ទៅជាមួយពួកយើងទេ?» នាងមើលមុខឪពុករបស់កូនបន្តិចក៏តប
«អត់ទេ
ម៉ាក់នៅមើលកាងារតិចតួចហើយប្រញាប់ទៅជួយពិធីមង្គលការម៉ាក់ធម៌របស់ឯង»
«អ៎
ខ្ញុំនឹងមកឱ្យទាន់» នំប៉ាវតូចឆ្លើយដោយរីករាយ
ចាវយ៉ូធានម្នាក់នេះមិននិយាយរកនាងនាងមួយម៉ាត់
នាងក៏ដូចគ្នា។ ពេលនំប៉ាវតូចនិងចាវយ៉ូធានទៅបាត់
នាងក៏ចូលក្នុងផ្ទះរៀបចំទុកដាក់របស់ហើយក៏ចេញដំណើរទៅរកបាយដំណើបដែលកំពុងរៀបការ។
ពេលទៅដល់ផ្ទះបាយដំណើបនាងក៏ឮសម្លេងបោករបស់របរពីបន្ទប់នាង
ទើបអារ៉ាន់ស្ទុះឡើងទៅខាងលើក៏ជួបមេដោះរបស់បាយដំណើប និងអ្នកតែងខ្លួននៅមុខទ្វា
«អ្នកនាងអារ៉ាន់
មកចំពេលល្អណាស់ ជួយនិយាយជាមួយអ្នកនាងតូចបន្តិចទៅ»
«ខ្ញុំយល់ហើយ
អ៊ំទៅធ្វើអ្វីផ្សេងចុះ ទុកខ្ញុំមើលនាង»
អារ៉ាន់ដឹងថាបាយដំណើបមិនចង់រៀបការជាមួយបុរសមិនស្គាល់មុខម្នាក់នេះទេ
ក៏ប៉ុន្តែវាជាកាតាព្វកិច្ចដែលជាបណ្តាំចុងក្រោយរបស់លោកម្ចាស់ដេរ៉ា។
«បាយដំណើប»
«រ៉ាន់រ៉ាន់
ឯងមកដល់ហើយឬ ថ្មើរនេះហើយម៉េចបានមក» បាយដំណើបបើកទ្វាហើយឱបអារ៉ាន់តែម្តង។
«យើងកន្លែងរៀបចំរបស់បន្តិច»
អារ៉ាន់នាំបាយដំណើបអង្គុយចុះ
«ឯណាកូនប្រុសខ្ញុំ
ឪពុកបង្កើតគេយកគេទៅហើយមែនទេ»
«ទេ
គេគ្រាន់តែនាំនំប៉ាវតូចដើរលេងតែប៉ុន្នោះ»
អារ៉ាន់គ្រវីក្បាល
ទោះបីបាយដំណើបនៅក្នុងសភាពបែបណាក៏មិនភ្លេចកូនប្រុសធម៌នាងដែរ។
យប់មិញបើនាងមិនដេញមកផ្ទះព្រោះរឿងរៀបការប្រហែលទៅដេកផ្ទះនាងផងក៏មិនដឹង
«ឪពុកប៉ាវប៉ាវ
ជាមនុស្សបែបណា? គេម៉េចក៏រកកូនប្រុសគេឃើញ? ហើយនំប៉ាវតូចមានសភាព
បែបណាពេលជួបគេ?»
«គេចេះគិតជាងខ្ញុំទៅទៀត
ឯងកុំបារម្មណ៍អ្វី តោះខ្វល់ពីខ្លួនឯងវិញ»
«ឯងកុំបារម្មណ៍អី
យើងមិនអីទេ»
«យើងដឹងយើងដឹងច្បាស់ថាឯងនៅបំភ្លេចរឿងពីមុនមិនបានតែគេសុខចិត្តចាំឯងដល់ពេលនេះក៏ជាមនុស្សមានការអត់ធ្មត់ដែរ។
បើគេមានរូបរាងអាក្រក់ឯងលែងលះគេទៅ ហើយបើគេធ្វើបាបឯង ឯងធ្វើបាបគេវិញទៅ»
«ចុះនំប៉ាវតូចនឹងមកទេ?»
មើលទៅស្តាប់គ្នាប្រហែលលែងបានទើបអារ៉ាន់នាំនាងទៅអង្គុយមុខកញ្ចក់
ហើយក៏ហៅអ្នករៀបចំសម្លៀកបំពាក់នៅខាងក្រៅមករៀបចំឱ្យ
«រ៉ាន់រ៉ាន់ឯងមិនទាន់ប្រាប់យើងរឿងឪពុកនំប៉ាវតូចទេ»
ឱ្យប្រាប់យ៉ាងម៉េចទៅបើអ្វីដែលនាងដឹងគឺឈ្មោះរបស់គេចាវយ៉ូធានតែប៉ុន្នោះ។
នេះនាងបណ្តោយឱ្យកូនប្រុសទៅជាមួយគេទាំងដែលនាងមិនដឹងពីប្រវត្តរូបគេច្បាស់លាស់ឬ?
«យើងមិនសូវស្គាល់គេច្បាស់ទេ»
«អារ៉ាន់
គីយ៉ា ខួរក្បាលេងអាយឃ្យូ១២២ ណា ម៉េចក៏បណ្តោយឱ្យកូនប្រុសខ្ញុំទៅមនុស្សប្លែកមុខ?»
«គេពិតជាឪពុកនំប៉ាវតូចពិតមែន»
«ក្រែងពេលឯងដេកជាមួយគេ
មើលគេមិនច្បាស់ឬ?» អារ៉ាន់វៃបាយដំណើបមួយដៃ
«ឯងនេះនៅរឮករឿងថ្ងៃនោះ
ខ្ញុំរាល់ថ្ងៃមិនហ៊ានមើលមុខគេទេ»
«គេឈ្មោះអី?»
«ចាវយ៉ូធាន»
ពេលនិយាយបែបនេះបាយដំណើបក៏មានទឹកមុខរិះគិតភ្លាម
«យ៉ាងម៉េច?»
«ខ្ញុំមានអារម្មណ៍ប្រហែលឈ្មោះគេ
តែដូចជាមិនចាំសស់ តែពេលយើងនឹកឃើញនឹងប្រាប់ឯង តែសំខាន់ម៉េចក៏ឯងធ្វើបែបនេះ?»
«ឯងមិនបានឃើញរូបរាងប៉ាវប៉ាវទេ
ខ្ញុំមិនដែលឃើញគេសប្បាយចិត្តបែបនេះពីមុនទេ
ពេលឃើញគេបែបនេះខ្ញុំជាម្តាយមានតែចង់ឱ្យកូនសប្បាយចិត្តប៉ុន្នោះ»
«គេភ្លេចម៉ាក់ធម៌គេទេដដឹង?»
«បានហើយៗ
រៀបចំខ្លួនទៅ ថ្ងៃនេះជាថ្ងៃសំខាន់ឯង»
អេតើបាយដំណើបរៀបការជាមួយកូនកម្លោះអាថ៍កំបាំងអ្នកណា?
តើនំប៉ាវតូចនឹងមកទាន់ពិធីរៀបការនេះទេ? កុំភ្លេចណាតាមដានជាមួយអេតមីនទាំងអស់គ្នា
ភាគទី៩ (Part 9)
ភាគទី៩ (Part 9)
Comments
Post a Comment