ប៉ាប៉ាកំពូលស្នេហ៍

​​

ភាគទី១៩

អារ៉ាន់ភ្ញាក់ឡើងនៅក្នុងបន្ទប់មួយដែលមើលទៅការតុបតែងបែបលោកខាងលិចបន្តិចនិងចិនបុរាណបន្តិចដែលមើលទៅស្រស់ស្អាតទាក់ទាញពេញភ្នែកឱ្យនាងភ្លឹកស្មារតីមួយស្របក់។ ទីនេះមានបង្អួចមូលធំដែលខ្យល់បក់ចូលមកឱ្យនាងរងារតិចៗ ទើបក្តោបភួយពណ៌សតែស្រាប់តែនឹកឃើញរឿងកាលពីម្សិលមិញក៏ស្ទុះងើបឡើងចេញទៅក្រៅហើយក៏ឃើញកូនប្រុសនាងកំពុងបោសទីធ្លាសួនច្បារ។

«កូនប្រុស»

«ម៉ាក់ភ្ញាក់ហើយ? អ្នកម៉ាក់តែងខ្លួនឱ្យស្អាតបន្តិចទៅ ប៉ាកំពុងធ្វើម្ហូបមកឃើញម៉ាក់បែបនេះប្រាកដជាមិនទាក់ទាញទេ?»

«នំប៉ាវតូច តោះចេញពីទីនេះជាមួយម៉ាក់ទៅ កូនជាកូនប្រុសរបស់គេប្រាកដជាមានសម្មតភាពដូចគេមិនខាន ឆាប់នាំម៉ាក់ចេញពីទីនេះទៅ»

«អ្នកម៉ាក់ ជឿកូនទៅមានតែយកប៉ាធ្វើជាប្តីម៉ាក់ទេជាដំណោះស្រាយ»

«នាងភ្ញាក់ហើយ? ទៅលុបមុខទៅ​ អាងមកញុំាបាយព្រឹក ឯយ៉ុងអឺកូនទៅលាងដៃទៅ»

ចាវយ៉ូធានដែលចេញមកពីបន្ទប់អាហារក៏មកហៅកូនប្រុសតែពេលឃើញម្តាយកូនប្រុសក៏ហៅញុំាអាហារព្រឹកតែម្តង

«បាទ» នំប៉ាវតូចរត់ទៅលាងដៃទុកឱ្យនាងនៅជាមួយឪពុកកូនប្រុសតែ២នាក់

«លោកដោះលែងខ្ញុំនិងកូនប្រុសទៅ» អារ៉ាន់ធ្វើមុខអង្វរដល់ចាវយ៉ូធាន ដែលនេះគឺជាការអាម៉ាស់មួយដែលមនុស្សក្រអឺតក្រទមដូចនាងមកអង្វរអ្នកដ៏ទៃ

«នាងខ្លាចខ្ញុំដល់ថ្នាក់នឹង?» គេទាញដៃនាងមកជិតខ្លួន

«ហេតុអ្វីលោកធ្វើបែបនេះ?»

«ខ្ញុំ.......នាងតែងខ្លួនសិនទៅ»

គេលែងដៃនាងហើយដើរត្រលប់ទៅបន្ទប់អាហារវិញទុកឱ្យនាងនៅម្នាក់ឯងតែអ្វីដែលមិនអស់ចិត្តបន្ទប់ទឹកនៅឯណាទៅ?

«បិសាចចម្លែក» នាងរងូវក្នុងចិត្ត

នាងត្រលប់ទៅបន្ទប់ដែលខ្លួនក៏ក្រលេកឃើញសម្ភារះប្រើសប្រាស់អមជាមួយធុងទឹកក្តៅនិងកន្សែងពណ៌សនិងសម្លៀកបំពាក់រៀបជាស្រេចនៅលើតុ។ មើលទៅគេហាក់បីដូចជារៀបចំគ្រប់យ៉ាងរួចអស់ហើយនិងមានរបៀបទៀតផង នាងទៅវិញទេដែលបង្កររឿងមិនឈប់។

ពេលនាងដើរចូលបន្ទប់អាហារចាវយ៉ូធានក៏កំពុងដួសបបរឱ្យនំប៉ាវតូចហើយគេក៏ងាកមកនាងបន្តិចហើយក៏ដាក់ទឹកមុខចុះវិញ។

ពេលនាងចូលតុគេក៏ហុចចានបបរមួយចានឱ្យនាង ហើយនាងភ្លាមៗក៏មានអារម្មណ៍ថាខ្លួនមិនចេះអ្វីដែលគេកំពុងធ្វើឥឡូវនេះ ជាពិសេសកាងារផ្ទះបែបនេះជាឧទាហរណ៍ព្រោះកាលពីក្មេងនាងគិតតែរៀនអ្វីក៏មិនយល់ដែរ។

«យប់មិញនាងមិនបានញុំាអីនោះទេ ញុំាអីទ្រាប់ពោះសិនទៅ»

អារ៉ាន់ទទួលចានបបរមកកូរហើយសម្លឹងចាវយ៉ូធានដែលទទួលទានបបររបស់គេ ព្រោះនាងចង់ដឹងថាគេកំពុងគិតអ្វីហើយក៏ដាក់មួយម៉ាត់ចូលមាត់ស្រាប់តែរសជាតិធ្វើឱ្យជាប់មាត់នាងតែម្តងរហូតនាងថែម៣ចានបន្ថែមភ្លេចខ្លួន។

ពេលអាហារពេលព្រឹករួចរាល់ចាវយ៉ូធានក៏អូសម្តាយកូនពួកគេមកខាងក្រៅផ្ទះចុះពីភ្នំដែលពេលចុះមកនាងឃើញទេសភាពដ៏ស្រស់ត្រកាលនៅលើភ្នំមួយនេះ។ វាធ្វើឱ្យនាងអារម្មណ៍ល្អជាងមុនបន្តិចទោះបីជាពេលនេះនាងកំពុងមានរឿងប្រឈមជាច្រើនក៏ដោយ។ នាងស្រាប់តែយល់

គំនិតចាវយ៉ូធានដែលគេនាំនាងមកទីនេះតែនាងមិនទាន់យល់ថាហេតុអ្វីក៏គេធ្វើបែបនេះដាក់នាង ឬមួយក៏គេខ្វល់ពីនាង? អារ៉ាន់គិតបែបនេះហើយក៏មុខក្រហមទៅតាមការអៀនរបស់ខ្លួន

«អ្នកម៉ាក់ម៉េចក៏ម៉ាក់មុខក្រហមចឹង?» នំប៉ាវតូចដែលដើរតាមឪពុកក៏សួរទៅកាន់ម្តាយ

«មេឃក្តៅណាស់ មិនដឹងជាដើររកអ្វីទេ?» នាងធ្វើជាងាកចុះឡើងកុំឱ្យគេចាប់អារម្មណ៍ខ្លួន

នំប៉ាវតូចដឹងថាម្តាយកុហកតែក៏ចង់ដឹងការពិតដែលទើបងាកទៅឪពុកព្រោះគិតថាឪពុកអាចអានចិត្តម្តាយរបស់គេដឹង

«លោកប៉ា អ្នកម៉ាក់ក្រហមមុខ មេឃមិនក្តៅទេតែគាត់កើតអ្វី?» នំប៉ាវតូចខ្សឹបសួរចាវយ៉ូធាន

ចាវយ៉ូធានដែលមានអារម្មណ៍លើអារ៉ាន់ក៏អានចិត្តនាងបានម្តងម្កាលក៏មិនអាចអានបានទេក្នុងពេលនេះទើបយល់ថាខ្លួនប្រហែលលង់ស្រលាញ់ស្រីស្លាក់ស្លើតម្នាក់នេះហើយ។ ពេលដែលយល់ថាខ្លួនបែបនេះគេក៏មិនឆ្លើយសំណួរកូនប្រុស។

ភ្លាមៗនោះដែរទើបនំប៉ាវតូចដឹងរឿងឪពុកម្តាយទាងពិរក៏មានអារម្មណ៍ត្រេកអរក្នុងចិត្តតែក៏មិនអាចបង្ហាញបង្អាប់ឪពុកម្តាយបានក៏លាក់ភាពសប្បាយនេះក្នុងចិត្ត។

«លោកប៉ាខ្ញុំចង់ហោះ?»

«ហោះឬ?»

ចាវយ៉ូធានក៏លើកនំប៉ាវតូចដាក់លើស្មាហើយក៏លើកគេឱ្យខ្ពស់ដូចបក្សីហោះហើរលើមេឃតាមដោយសម្លេងក្អាកក្អាយរបស់ឪពុកកូនរបស់ពួកគេនៅតាមផ្លូវចុងកាត់មាត់ញកមួយនេះ។ អារ៉ាន់ស្រាប់តែយល់ថានេះជាអ្វីដែលឪពុកធ្វើចំពោះកូនបានហើយនាងមិនអាចធ្វើបាន ដូច្នេះហើយវត្តមានចាវយ៉ូធានក្នុងជិវិតកូនប្រុសនិងនាងពិតជាសំខាន់។

អេតមីននិយាយត្រង់ស្រលាញ់អ្នកចេះធ្វើម្ហូប និងកាងារផ្ទះដល់ហើយ ហិហិ អារ៉ាន់អើយឯងសំណាងណាស់។ នំប៉ាវតូចល្អណាស់កូនម្តាយ «មានតែយកប៉ាធ្វប្តីជាដំណោះស្រាយ» សម្តីមាសពេជ្រណាស់ចេញមកម្តងៗ។ តែពួកគេទាងបីនឹងមានរឿងអ្វីកើតឡើងបន្តទៀត